مارکو روبیو وزیر خارجه آمریکا برای نخستین‌بار به‌منظور اشتراک در نشست C5+1 به اوزبیکستان سفر کرده است.
رییس‌دفتر رییس‌جمهور اوزبیکستان در برگه ایکس خود نوشته که، در چارچوب این نشست، شورای تجاری و سرمایه‌گذاری آمریکا – اوزبیکستان نیز برگزار خواهد شد.
نشست C5+1 با مشارکت پنج کشور آسیای مرکزی، شامل اوزبیکستان، ترکمنستان، تاجیکستان، قرغیزستان و قزاقستان، و ایالات متحده آمریکا ایجاد شده است. این سازوکار با هدف تقویت همکاری‌های سیاسی، اقتصادی و امنیتی، توسعه همکاری‌های انرژی و ارتقای همکاری‌ها در زمینه حفاظت از محیط زیست میان کشورهای عضو فعالیت می‌کند.