افغانستان لپاره د اوزبېکستان ځانګړي استازي عصمت الله ایرګشوف، په اوزبېکستان کې د کاناډا له سفیر کریستوفو ډاګن سره لیدلي دي.
د اوزبېکستان د بهرنیو چارو وزارت اعلان کړی چې په دې کتنه کې، دواړو لورو د افغانستان په تړاو د دوه اړخیزو همکاریو اوسني وضعیت په اړه خبرې کړې دي او د افغانستان وضعیت ته یې رسېدنې لپاره د منظمو بحثونو پر دوام ټينګار کړی دی.
دواړو لورو دغه راز د تاشکېنت او اتاوا ترمنځ د عملي خبرو اترو پر پراختیا هوکړه کړې ده.