هیات بلندپایه وزارت دفاع امارت اسلامی به رهبری نصیب‌الله مدنی، فرمانده فرماندهی تعلیمات مشترک و محاربوی عبدالله بن مسعود، به دعوت روسیه در تمرینات ستراتیژیک مشترک نظامی «Center-2026» که در روسیه برگزار شده اشتراک کرده است.
بربنیاد خبرنامه وزارت دفاع، این هیات در جریان سفراش، ضمن مشاهده مراحل عملی این تمرینات، از نمایش‌گاه تجهیزات نظامی مدرن، از جمله سلاح‌های سنگین، هواپیماهای بدون سرنشین، موشک‌های دوربرد، سیستم‌های روباتیک و سایر تجهیزات پیشرفته نظامی نیز بازدید کرده است.
این وزارت افزوده که هیات نظامی افغانستان با نماینده‌های نظامی چین، هند، کوریای شمالی، ویتنام، کلمبیا، اوزبیکستان، تاجیکستان و شماری دیگر از کشورها در مورد روابط دوجانبه، تجربه‌های نظامی، آموزش، تحصیلات مسلکی و همکاری‌های مشترک نیز گفت‌وگو کرده‌اند.