رییس اتاق تجارت و سرمایه‌گذاری افغانستان و رییس اتاق تجارت و صنایع تاجیکستان در دیداری مجازی، پیرامون گسترش روابط تجارتی، سرمایه‌گذاری و همکاری میان سکتور خصوصی دو کشور گفت‌وگو کرده‌اند.
اتاق تجارت و سرمایه‌گذاری اعلام کرد که، در این دیدار درباره افزایش مبادلات تجارتی، ارتباط مستقیم میان بازرگانان و سرمایه‌گذاران و برگزاری برنامه‌های مشترک اقتصادی بحث شده‌است.
بربنیاد خبرنامه، سید کریم هاشمی در این دیدار از بازرگانان و سرمایه‌گذاران تاجیکستان برای اشتراک در پنجمین نمایش‌گاه بین‌المللی امام ابوحنیفه (رح) در کابل دعوت کرد.
از سوی هم، رییس اتاق تجارت تاجیکستان از هیات افغانستان برای شرکت در نمایش‌گاه تجارتی دوشنبه نیز دعوت کرده‌است.